الشاعر محمد بن جرما الاكلبي

هذه القصيدة للشاعر / محمد بن جرمان الأكلبي
وهي بعنوان معطي الحليلة
هم على قلبي وأنا ماشكيته = إلا على المعبود رافع سماها
مانيب شكاي على من لقيته = ونفسي على غيري بعيد خفاها
وعلمي ليا مني لقيته كنيته = ما تطلع لنذال به وشبهاها
وسد الرفيق ليا خذيته بزيته = ويغلى عليه من عيوني وماها
كفيت به معطي الحليلة كفيته = اللي ليا من عطي علم عطاها
فالليل يخبرها بشي عطيته = وتصبح تسولف فيه عند إقصراها
فالله من شي بصدري خفيته = لين الحق النفس العزيزة مداها
من وقتي اللي حدني ما حديته = وخلاني أعيش السنين بشقاها
سريت في ليلي ويومي مشيته = دروب عسيرات على من مشاها
فلومي على وقت حيا فيه ميته = ونزل كبار القوم عن مستواها
خلى الردي يكبر مقامه وصيته =وخلى المره تامر ويمشي إحكاها
سانع لثور مضحي في مبيته = ورد الذياب الضارية عن عشاها
الفرق شاسع في زمان عنيته = ينشاف مثل الشمس حزت ضحاها
أحدن على سطح القمر حط بيته = وأحدن يدور عيشته مالقاها


مع تحيات : المحبوووب

مشكور على هذه القصيدة الجميله

مشكور وتسلم على القصيده

تقبل مرووري:


"لحن الحب"