جيت ابلملم بقاي وجيت ابلملم شتاتي
رحت لالملمت شي ولا بقى فيني بقايا
طفلةٍ ساقت ركايبها على مبدا حياتي
المست عقد المحبه وانتثر بين الحنايا
اقبلت والكلمة اللي في شفاتي في شفاتي
مشيةٍ فيها البرود اللي قهر كل الصبايا
وابعدت والصبر ضاق وضاق خفاقٍ يحاتي
كن في خطوة قدمها جرح وذنوب وخطايا
اشغلتني في دلعها عشعشت في ذكرياتي
وين مالديت عيني شفتها تمشي معايا
قلت ابصبر احسب ان الصبر من اعظم صفاتي
ماهقيت انه يخاف الصبر من جمر الشفايا
خفت من برد الغرام وقلت تدفيني عباتي
مادريت ان الغرام بداخلي نار وشظايا
آه لو تدري وش اطلب كل ماصلي صلاتي
ياالله انك في هذاك الزول لاتقطع رجايا
النوايا كلها بيضا ومن سوى سواتي
لعنبوا سود القلوب اللي تبي سود النوايا
انتثر سيل المشاعر لابقالي غير ذاتي
لابقا عندي علوم ولابقا فيني خفايا
من سببها رحت كلي والعوض فاخر شتاتي
الحقيقة انتهت ولا بقا فيني بقايا
مبارك مفرح العازمي
مع تحيات :المحبوووب
الجمعة مايو 15, 2009 4:14 pm من طرف لحن الحب
