محمد بن دباس وولده ( سالفة وقصيدة )

اليوم جايب لكم سالفة بن دباس وولده دباس الي سافر وخلاه

يقال ان هذه القصيدة كانت في عام 1150 هـ ولا يذكر للشاعر غير هذه القصيدة ولذلك سميت باليتيمة .

ولده كان مسافر في طلب الرزق الى عمان وتغرب هناك ثمان سنين ولا حس ولاخبر عنه فقال ابن دباس هذه القصيدة لعلها تصل الولد :


يا ونّةٍ ونيتهـا من خاوي الـــــراس
من لاهـبٍ بالكبـد مثـل السعيـــره

ونين من رجله غدت تقـل مقـــواس
ويون تالي الليــل يشكي الجبيـــره

وياحمس قلبي حمـس بنٍ بمحمــاس
ويا هشم حالي هشمهـا بالنقيـــره

ويا وجد حالـي يا ملا وجد غــراس
يوم اثمرت واشفا صفا عنه بيـــره

على ثمـر قلبي سرا هجعة النـــاس
متنحــرٍ دربٍ عسا فيــه خيـــره

الله يفكـه من بلا سو الاتعـــــاس
ومن شــر عبثات الليالي يجيـــره

فـي ديرةٍ تقطعـت عنه الأرمـــاس
سبعيــن يوم للركايــب مسيـــره

لا والله الا حال من دونـه اليـــاس
حـط البحر والبر دون الجزيـــره

عقّب لسلوانٍ ورا الصين والطــاس
وقلبــي على فرقاه تسمع فريـــره

يالله ياللي رد من عقـب ما يـــاس
يوسف على يعقوب وابصر نظيـــره

ترد علّي ادباس يا محصـي النــاس
يا عالمٍ ما بالخفــا والسريـــره

يا ادباس انا اوصيك عن درب الادناس
ترى الذي مثلك يناظــر مسيـــره

عـليك بالتقوى ترا العز يا ادبــاس
في طاعة اللي ما ينجيــك غيـــره

هذي ثمان اسنين من رحت يا ادبـاس
لا رسالةٍ جتنــي ولا من بريـــره

يا ادباس من عقبك ترا البال محتـاس
وعليك دمع العيـن حرق نظيـــره

وعليك كني في دجا الليل حـــراس
أصبح على حيلي وعيني سهيـــره

أصبحت أنا ما بين طاري و هوجـاس
وطواريٍّ تطري علينـا كثيـــره

مثل الوحش قلبي على كـفّ حبـاس
يكفـخ كما طيرٍ اسبوقه قصيـــره

متحيرٍ من عيلة البيت يا ادبــاس
ارجي ثواب الله و اخاف المعيـــره

أخاف من حكـي العدا ثم الانــجاس
أهل الحكايا الطايله و القصيـــره

ويقال خلا عيلتــه عنّز الـــراس
اقفــا وخلا عيلــةٍ له اصغيـــره

ولاّ فنــا يا بوك قطاع الارمـــاس
ما نيـب مثبورٍ ورجلـي كسيـــره

أصلــك لو دونك نبا حمر الاطـعاس
الصلب والصمان دروبٍ عسيـــره

مهالكٍ مداركٍ مــا بهـا اونــــاس
إلا الثعل والبوم تسمــع صفيـــره

لـو كنــت في نزوا وديرة بني ياس
أهل الموازي والوجِيــه الغبيـــره

عبّــادة الأصنام شرّابة الكــــاس
الخمــر والتنباك فيهــا وغيـــره

لاركب على وجنـا من الهجن عرماس
فجَّ النّحـر يا ادباس حمرا ظهيـــره

متروسة الفخذيـن مزبورة الـــراس
كن الخلاص اعيونهــا يوم اديـــره

يا شبــه ربدٍ يوم تخفق بالاونـــاس
وان رفعـت جنحانهــا مستذيـــره

تنشر من العوده علــى نور الانـفاس
عند الفجر والليل مقفــي مريـــره

والعصر بالصمان تسمــع لها اضراس
حبل الرسن خطرٍ تبتــر جريـــره

ونـــهار ثالث بين حمـا والأوراس
واره يمينك جعلهــا لك سفيـــره

واركـب على ساجيـةٍ تقلب الــراس
تمشي بهلها في البحـور الغزيـــره

الى مسقط الفيحاء بهـا الخيـر محتاس
لولا الكفر والشــرك ياوي ديـــره

عز الله انهـا ديرةٍ ما لها اجنـــاس
لولا بهـا يعبــد مـع الله غيـــره

لولا بها يشرك علي وعبـــــاس
وأيضاً بها الفاروق سبـه بريـــره

فـيها الطبيخ وراهي الخبـز يا ادباس
يقعد خوي الراس خنــة خميـــره

هي ديرة اللـي باغيٍ كيفة الـــراس
ولا له حدٍ همـه من النـاس غيــره

هيـسٍ ولد هيـسٍ و للصحاف لحـاس
يفرح إلـى نيدي لذبح العقيــــره ذ

ذا ماقـفٍ يا ادباس ما فيـه نومـاس
يصلح لقينٍ مهنته طـق زيــــره

ترى الفداوي دون وانـت أنشد النـاس
راعيه ما يذكـر بخيرٍ وغيــــره

ما له سوى حذو الحنـك منه واليـاس
والى انقطع خرجه فلا له ذخيـــره

طلب المعيشه بالحراثـه والاجنــاس
المشترا والبيع يوصـف وغيـــره

ثـم انهـض العيرات مع كل فــراس
يا ادباس دوّر خيّــرٍ تستشيـــره

جدك وعمانك هـل العزم والبـــاس
أهل اللوازم مكمليــن القصيـــره

يا ادباس ما يصبر على البـق والحاس
إلا الذي مالــه بنجـدٍ عشيـــره

واليوم يا مروى شبـا كل عبـــاس
أنت الرجا يا لطّـام وجيـه المغيـره

عشرين عام كلهـا ارجيك يا ادبـاس
مثل الغرير اللي تولــع ابطيـــره

عدل المناكب هيلعٍ فـرخ قرنــاس
يمناه في لطم الحبــاري شطيــره

عـانق خلوجٍ روحت عقـب مرواس
عند العصيـر لبيضهـا مستذيـــره

والليل جاه وحال من دونهــا اليـاس
روحه على فرقــاه فرت فريــره

يا ادباس أنا يابوك ما نيــب بـلاس
مَيْـر ان عيلات الرفاقــه كثيــره

جنبت وسط السوق وامشي مع السـاس
وآخذ شوي الحــق واترك كثيــره

ياادباس لو روّحت لي من دحب الاكياس
مختلفــةٍ ما بيــن زرٍ ونيـــره

مالي بها يا جعلهــا بألـف قبــاس
او جعلهـا تذهـب لو هي كثيــره

يا ادباس قلبــي كلمــا هب نسناس
شرقيـةٍ هبت بقلبــي سعيـــره

والحال يا فرز الوغــى مسهـا الباس
عليك يا نطاح وجــه المغيـــره

واغصون قلبي يا فتـى الجُــود يباس
غادي أنا يابوك كنــي هشيـــره

من شافنــي يقول ذا فيـه لســاس
واللي برا حالــي إلهي خبيـــره

لا واعلا من قبــل غوال الأنفــاس
وامفارق الدنيا يجينــا بشيـــره

عسا يطــق الباب والناس غطــاس
يا والي القــدره عليك اتعبيـــره

وصلاة ربي عد ما هــب نسنــاس
على النبي عدة حقوق المطيـــره



بعد وصول القصيدة إلى دباس واطلاعه عليها وعلى مشاعر والده التي قالها له ابوه في اروع القصائد الشعبية المتقدمة فندم على تهاونه في حق والده فاجبه بقصيدة لاتقل روعة عن قصيدة ابوه حيث أخبره فيها بعزمه على التوجه أليه.
وهذه قصيدة دباس رد على ابوه :


حي الجواب إللـي لفانا من الراس
جابه اغلامٍ مـا توانـا مسيـــره

اهلاً هلاً به عد مـا حبـك قرطاس
او ما كتب به من ابيوتٍ شطيــره

جواب من هو لـي مودٍ من الناس
أبوي ما يوصـف حلـيٍ لغيـــره

فرز الوغى كنـه على الوكر قرناس
اقروم ربعــه كلهـا تستشيـــره

دليل عيراتٍّ إلى هـب نسنـــاس
هيفّيــةٍ صلفـهْ ولا به ذخيـــره

مهفي الغنم لأهل الركايـب والافراس
إن جو من الهيفا عليهم قصيـــره

راعي معاميلٍ بها العبـد جــلاس
للبـن يشرى بالسنيـن العسيـــره

هذي بمركاها وهـذي بمحمـــاس
وهذي يصبه للوجيـه السفيــــره

واخلاف ذا ياراكبٍ فـوق عرمـاس
مأمونةٍ من نقوة الهجـن عيـــره

حمراً وهي في سنها وقـم الاسداس
بالسن لا فاطر ولا هي صغيـــره

ما هي لحوحٍ راكبه بالعصـا قـاس
حرم عليها غير شيـل النجيـــره

والخرج هو وابيـوت قيلٍ بقرطاس
مع مزهب الأيام ما هـي كثيـــره

فوقه اغلامٍ منوته قطـع الارمـاس
لو هو بليلٍ ما تغيــر نظيـــره

وإلى لفيت الدار فاجهـر بالاحساس
وبلغ سلامي كل ذيــك العشيــره

واختص أبوي إلي نفـل جملة الناس
وخصه بعلم وقل ترانـي بشيــره

لا يانقـي العرض يابـوي لا بـاس
إن كان تشكي الضيم فانا أسيــره

وإن سايلك عنـي تراني ابنومـاس
وانا احمد اللي ما توسلت غيــره

المدح لو يشرى شرينـاه باكيــاس
باموالنا نرخــص ندور ستيــره

مطرق افرنجي مضاريبـها الـراس
ومصلبخٍ جبته عسانـي ذخيــره

صّناعها نصرانـيٍ يشرب الكـاس
يذكر ورا جــاوه ابعيدٍ مسيــره

ابغيه للي حادينك على الســـاس
أهل النمايم والحكايــا الكثيــره

ربعٍ نوو فيك الردا والتخســـاس
مهبول ياللـي قال غايب عشيـــره

على حقٍ لودع الجمع ينحــــاس
ليما العشـر يقوم يلعـن عشيـــره

يابوي انا مارحت ابـي كيفة الراس
مع ذا ولانـي في سفاهٍ و غـيــره

إن ما سكنا الدار من غيـر هُوجاس
والا نعـاف الدّار وندور غيـــره

كله لعين كلمةٍ قلت يا ادبــــاس
تشكي وانا دونـي ابحورٍ غزيــره

خذ لك يمين الشرع قطاع الانفـاس
إنه فلا جتنـي علــومٍ بصيـــره

لا نَابْ جاني بحبـرٍ وقــرطاس
أيضاً ولا جتنـي اعلومٍ ســـفيره

إن كان تشكي الضيق يابوي لاباس
جاك الفـرج يا ابوي هو والبريـره

ولا فنا يابوي قطاع الارمـــاس
أصبر على الشده ولو هي عسيـره

يم البحر مشروبنــا فـك فنطاس
والمـاء هماجٍ منــه كبدي غثيـره

يامسندي يابوي شوف أوكد الناس
ثم انشده قل ويش هو في مسيـره

ان كان مايفرح صديقك ابنومـاس
تحرم علينا اللي انهـوده صغيـره

مدلول مجمولٍ زها زين الالبـاس
هي بنت من يثني خـلاف الكسيره

طارٍ يقول اظهر وطارٍ ابـجلاس
قمت اشرب التنباك واثره نكيـره

ابغي عسى لي يبرد القلب يا ناس
من لاهب شبت ابقلبي سعــيره

ومن كان له غايب فلا يقطع الياس
إن قدر الله جاب علمه بشيــره

في ساعة لا قلـت والناس غطاس
يا والي الدنيـا عليك اتعبيــره

وجدي عليكم وجد من باللقا جـاس
خلي طريحٍ فوق وجه المغيــره

أو وجد من شَوّحْ لبلده ولا جاس
بّتيلهم بان الخلل في مسيـــره

أرخصْ ابذب المال لوهو بالاكياس
يصيح للرّبان ما من جزيـــره

وصلاة ربي عد ما هـب نسـناس
على نبي امنفلٍ بالجزيـــــره


م
ن
ق